Ազատ Խօսք

Ելեկտրոնային Անկախ Պարբերաթերթ

Խմբագիր - Երան Գույումճեան

Թիւ (79) Ապրիլ 2018

Նիկոլ Փաշինեանը նախապայմաններ ներկայացուց ՀՀ իշխանութիւններու հետ երկխօսութեան համար
Հայաստանի Հանրապետութեան 4-րդ Նախագահ Արմէն Սարգսեան ստանձնեց իր լիազօրութիւնները
Վատիկանի մէջ հանդիսաւոր բացումը կատարուեցաւ Սուրբ Գրիգոր Նարեկացիի արձանին
ՓՇԱԼԱՐԵՐՈՒ ԵՏԻՆ՝ ՍԵՐԺ ՍԱՐԳՍԵԱՆ ԴԱՐՁԱՒ ՀՀ ՎԱՐՉԱՊԵՏ
"Բողոքի ցոյցերն ու հանրահաւաքները նոր թափ կը հաւաքեն"
Արամ Ա. Կաթողիկոս կը հասնի Հայաստան"
Փայլան Ցեղասպանութիւնը Ճանչնալու Բանաձեւ Ներկայացուց Թուրքիոյ Խորհրդարանին

Կիպրահայ

ՊԵՏ. ՆԵՐԿ. ՎԱՐԴԳԷՍ ՄԱՀՏԵՍԵԱՆ ԽՕՍՔ ԱՌԱՒ ԿԻՊՐՈՍԻ ԽՈՐՀՐԴԱՐԱՆԻՆ ՄԷՋ ՀԱՅԿԱԿԱՆ ՑԵՂԱՍՊԱՆՈՒԹԵԱՆ 103-ՐԴ ՏԱՐԵԼԻՑԻՆ ԱՌԹԻՒ

Ուրբաթ, 20 Ապրիլ 2018-ի առաւօտեան, հայկական Ցեղասպանութեան 103-րդ տարելիցին առիթով, կիպրահայ համայնքի Պետական Ներկայացուցիչ Տիար Վարդգէս Մահտեսեան յատուկ ելոյթ ունեցաւ Կիպրոսի Հանրապետութեան Խորհրդարանին մէջ:

Իր խօսքին մէջ, Պրն. Մահտեսեան նշեց մասնաւորապէս. «Ի՞նչ ազդեցութիւն կրնայ ունենալ Թուրքիոյ կառավարութեան կողմէ հայկական Ցեղասպանութեան հնարաւոր ճանաչումը՝ թուրք ժողովուրդին վրայ, որ մանուկ հասակէն սորված է որ ողբերգական այդ դէպքերը՝ Քրիստոնեաներու եւ Իսլամներու միջեւ տեղի ունեցած քաղաքացիական կռիւներու բնոյթ ունէին եւ թէ երկու կողմերէն ալ զոհեր եղած էին: Սակայն, ի հեճուկս թրքական կառավարութեան ի գործ դրած իրականութիւնը կոծկելու ճիգերուն, հետզհետէ կ'աւելնայ թիւը այն թուրքերուն, որոնք կը ճանչնան իրենց նախնիներուն գործած ոճիրները»:(մանրամասն)

Խմբագրական

Ե՞ՐԲ ՊԻՏԻ ՍԹԱՓԻՆՔ

Նորէն հերթական Ապրիլ 24 է, տարուէ տարի կրկնուող նոյն ոգեկոչումներով, մեր հաւաքական յիշողութեան նորոգ վերապրումով, ազգային նոյն հռետորաբանութեամբ ու ճառերով, Պահանջատիրութեան կոչերով, որոնք կարծէք դարձեր են լոզունգներ միայն, անբովանդակ եւ իմաստազուրկ, քանզի ազգովին նոյն տեղքայլի մէջ ենք, երբ հարցը կը վերաբերի Հայ Դատի Պահանջատիրութեան իրաւաքաղաքական ոլորտին, ուր տարուէ տարի կը թոփենք նոյն տեղը, առանց քայլ մը յառաջ երթալու, կը յանկերգենք Ցեղասպանութեան ճանաչումները ա՛յս կամ ա՛յն երկրի նախագահին, խորհրդարանին, թէ յայտնի անձնաւորութեանց կողմէ...: Ու դեռ կը մնանք բանտարկուած Ցեղասպանութեան միջազգային ճանաչում ապահովելու ապաքաղաքական, էապէս բարոյական տխուր գործընթացին մէջ, կարծես ա՛յդ ըլլար Հայ Դատի Պահանջատիրութեան բուն նպատակը: Իսկ ժամանակը կը սուրայ արագընթաց, յետ-Եղեռնեան իրերայաջորդ սերունդներու ազգային դիմագիծի, մայրենի լեզուի,...(մանրամասն)

Հարցազրոյց

ՀԱՐՑԱԶՐՈՅՑ ՊՈԼՍԱՀԱՅ ԳՐՈՂ ԵՒ ՈՒՍՈՒՑԻՉ ՍԵՒԱՆ ՏԷՅԻՐՄԵՆՃԵԱՆԻ ՀԵՏ

ՀԱՐՑՈՒՄ.- Պոլսահայ համայնքին մէջ հայկական ինքնութիւնը ինչպէ՞ս կ՛ընկալուի, ո՞րն է հայու ինքնութիւնը:
ՊԱՏԱՍԽԱՆ.- Ես պոլսահայ համայնքը ներկայացնող մէկը չեմ, ատոր համար ալ հիմնուելով իմ դիտարկումներուն վրայ՝ շատ ընդհանրական բառերով կրնամ խօսիլ: Համայնք ըսելով՝ ինքնութեան որոշ սահման մը գծած կ՛ըլլանք արդէն: Ըստ Թուրքիոյ մէջ իշխող մտայնութեան եւ պոլսահայ համայնքի ընկալման՝ ինքնութիւնը աւելի՛ կրօնական եզր է, եւ համայնքն ալ ամփոփուած է եկեղեցւոյ շուրջ: Ոեւէ պոլսահայու եթէ հարցնենք՝ պիտի տեսնենք, որ եկեղեցին շատ կարեւոր է, նոյնիսկ եթէ հաւատացեալ չէ, նոյնիսկ եթէ քրիստոնէութիւնը իր ինքնութեան մաս չի կազմեր: Հետեւաբար, կրօնական ինքնութիւնը ընդհանուր ինքնութեան կարեւոր մէկ մասն է: Ոմանց համար ալ լեզո՛ւն, պէտք է ըսեմ:
Միւս կողմէ հարցը խնդրայարոյց է, քանի որ պոլսահայ եզրը, եթէ քրքրենք, բաւական տարբեր եզրեր ի յայտ կու գան:(մանրամասն)

Յօդուածներ

ԱՆՈՆՑ՝ ՈՐ ՉԵՆ ՃԱՆՉՆԱՐ «ԱՍՍԻԶԱՑԻԱԿԱՆ» ՀԱՅ ՎԱՐԴԱՊԵՏԸ ՄԵԹՐ Գ. ՏԷՐՏԷՐԵԱՆ

Արժանթինի մայրաքաղաքի նախկին թեմական Առաջնորդ Խորխէ Մարիօ Պերկոլիօ Արքեպիսկոպոսը, կողմնակիցը՝ Լատին Ամերիկայի կաթողիկէ կղերականութեան որդեգրած «Ազատագրութեան Աստուածաբանութեան», ներկայիս՝ Վատիկանի Ֆրանչիսկոս Քահանայապետը, եթէ ծանօթացած ըլլար Հայր Անդրանիկ Ծ. Վարդապետ Կռանեանի հոգեւորական եւ հասարակական կեանքին ու գործունէութեան, անվարան պիտի ըսէր թէ՝ Վարդապետ Կռանեանը եղած է կաթողիկէ հոգեւորականի օրինակելի տիպար մը։ Եւ ասիկա կը պահանջուի նաեւ՝ միւս բոլոր եկեղեցիներու հոգեւորականներէն անխտիր, ներառեալ՝ Հայց. Եկեղեցւոյ հոգեւորականներէն… որոնք այսօր՝ դժբախտաբար, չեն ներկայացներ օրինակելի տիպարի կերպարները, բացի՝ շատ փոքրաթիւ հոգեւորականներէ…։(մանրամասն)

Թուրք Ժողովուրդին պատասխանատուութիւնը Հայոց Ցեղասպանութեան մէջ ըստ Արամ Անտոնեանի

Մինչեւ օրս, թրքական պաշտօնական կեցուածքը Հայոց Ցեղասպանութեան նկատմամբ ժխտողական է: Թուրքերը չեն խոստովանիր իրենց գործած մեծագոյն ոճիրը, հետեւաբար՝ չեն ընդունիր անոր կանխամտածուած բնոյթն ու իրենց գլխաւոր պատասխանատուութիւնը այդ յանցագործութեան համար:(մանրամասն)

Էրտողան Կը Խոստովանի, Որ Թուրքիան ... Օսմանեան Կայսրութեան «Շարունակութիւնն» Է

Տասնամեակներ շարունակ թուրք պաշտօնեաները հերքած են Հայոց Ցեղասպանութեան իրողութիւնը: Սակայն, վերջին տարիներուն կարգ մը թուրքեր կ՛արդարանային, որ այսօրուան Թուրքիոյ Հանրապետութիւնը պատասխանատու չէ Հայոց Ցեղասպանութեան համար, քանի որ այդ իրականացուած է ներկայիս գոյութիւն չունեցող Օսմանեան կայսրութեան կողմէ:(մանրամասն)

ԼԱ՞Ւ ԸՐԻՆ, ՈՐ ԳԱՑԻՆ

Երբ «Ազգ»ի գրադարան-լսարանին մէջ Մեծ Հայրենադարձութեան 70-ամեակին նուիրուած կլոր սեղանին որպէս մասնակից մտիկ կ՛ընէի ելոյթ ունեցող պատմաբաններուն զեկոյցերը, ակամայ, միտքով վերադարձայ 1946 թուականը, երբ երեք տարեկան երեխայ էի ու Հալէպի շոգեկառքի կայարանին մէջ, շոգեշարժավար հօրս կողքին կանգնած, հետաքրքրութեամբ կը նայէի դալար ճիւղերով զարդարուած շոգեկառքին, առանց իմանալու, որ ներգաղթի շոգեկառքն էր այդ, որ շատերու հետ կը տանէր նաեւ արաբներու մէջէն գտնուած իմ հորաքրոջ ընտանիքը, որ Սուրիոյ հիւսիսարեւելեան շրջանի գիւղերէն մէկէն եկած ու Հայաստան կ՛երթար:(մանրամասն)

Մտորումներ` Հայրենադարձութեան, Ներգաղթի Եւ Արտագաղթի Մասին

Օքսֆորտի համալսարանի արեւելագիտութեան ամպիոնի դասախօս դոկտ. Հրաչ Չիլինկիրեան վերջերս Դիմատետրի իր էջին մէջ հետաքրքրաշարժ տեղեկութիւն մը հրապարակեց` ներկայացնելով 1948-ին Մարսէյ տպագրուած Յովհաննէս Վարժապետեանի «Գրպանի օրացոյց»-ին 46-րդ եւ 47-րդ էջերը: «Օրացոյց»-ին հեղինակը անոնց մէջ հակիրճ տուեալներով կ'անդրադառնայ 1946–1947 թուականներուն ՀՍՍՌ-ի, այսինքն` Հայաստանի Սովետական Սոցիալիստական Ռեսպուբլիկայի (իմա` Հայկական Խորհրդային Սոցիալիստական Հանրապետութիւն) որոշումով իրականացած ներգաղթի,...(մանրամասն)

Գրական-Մշակութային

ՓՈՒՆՋ ՄԸ ԲԱՆԱՍՏԵՂԾՈՒԹԻՒՆՆԵՐ՝

Գարուններս անցան-գացին
Ասուպի պէս արագընթաց
Անոնցմէ դեռ շող մը վճիտ
Փայլատակէ սրտիս մէջ տաք...
Թիթեռ մը դեռ թեւիկ-թեւիկ
Կը թռչկոտի ծաղկէ-ծաղիկ
Բոյր-թոյրերով դառնայ արբշիռ
Ոսկելոյսին մէջ գարունի...
(մանրամասն)

Յամառիլ նոյն սխալին վրայ՝ 1922-էն ի վեր

ՀԱՅ Հայաստանի խորհրդայնացումէն ետք, նոր վարչակարգին առաջին գործերէն մէկը ուղղա- գրութեան փոփոխութիւնը եղաւ։ Հայերէնի ուղղագրութեան վերաբերեալ մինչ այդ գիտական կամ հանրային քննարկումներ կ՚ըլլային, երկակի կամ բազմակի գրելաձեւեր, հնչիւնային համակարգի պատմական զարգացումի արդիւնքին յառաջացած խօսելակերպեր տուն կու տային մտային մարզանքներու,...(մանրամասն)

ՀԱՅՐԵՆԻ «ԵՐԳ ԵՐԳՈՑ»Ը ԵՒ ՍՓԻՒՌՔԱՀԱՅ ԵՐԳԱՐՈՒԵՍՏԸ

Երգարուեստը՝ երաժշտական ստեղծագործութիւններուն հիմնական այն մասն է, որ կ'ամբողջանայ ու կը ներկայանայ ունկնդիրին՝ իր բառագանձով, բանաստեղծութեամբ: Տարբեր հարց, թէ մեկնաբանութեան (երգի կատարումի) ընթացքին՝ ունկնդիրը որքանո՞վ կ'ըմբոշխնէ ու կը գնահատէ «Երգ»ին երաժշտութիւնը եւ իր ապրումի պահուն նոյնքա'ն հաւասար տեղ կու տա՞յ «բանաստեղծութեան» եւ անոր հեղինակին:(մանրամասն)

ԹԷՔԷԵԱՆԻ «ԵՐԿՈՒ ԴՐԱԽՏՆԵՐԸ»

Ես Վահան Թէքէեանի բանաստեղծութիւններով հմայուած մէկն եմ. կը սիրեմ, քանի որ երբ կարդամ, կը գրաւուիմ եւ կը մղուիմ կրկնելու ընթերցումս : Երբ աւելի լաւ ըմբռնելու համար երկրորդ անգամ կը կարդամ, ըմբռնումը կը վերածուի սիրոյ եւ երթալով այդ սէրը կը փոխակերպուի վայելքի, յատկապէս երբ մեկնաբանելով անոր փիլիսոփայական տողերը կը հասնիմ իր միտքերու ակունքին:(մանրամասն)

Մեր Մեծերը. Սկիւտարի վերջալոյսներու թագուհին-Զապէլ Եսայեան

Զապէլ Եսայեան (Յովհաննիսեան) գրողն ու թարգմանչուհին, հրապարակախօսն ու հասարակական գործիչը հայ գրականութեան պատմութեան էջերուն հայ կին գրողի իւրօրինակ ձեռագիր մը դրոշմեց, որուն ամէն մէկ տողն ու բառը կը բխին հայրենասիրութեան, հայասիրութեան, մարդկային ազնիւ մղումներէ:(մանրամասն)

ՄԻՒՍ ԵՐԵՍԸ

-Չեմ կրնար հաւատալ աչքերուս, որ տարիներու երազս իրականութեան վերածուեցաւ վերջապէս –կ'ըսէր Սեդա իր ամուսինին- որ երկուքս հոս նստած Քաֆէ տէ լա Փէ, Փարիզը կը վայելենք: Արդէն մէկ տարի անցած էր իրենց ամուսնութենէն եւ ասիկա իրենց ուշացած մեղրալուսինն էր: Սպասած էին, որ ինք ուսումը աւարտէր: Երջանկութիւնը կրկնակի էր . սիրած մարդուն հետ ըլլալ եւ իր երազած քաղաքը գտնուիլ: Նոր ելած էին Լուվրի թանգարանէն եւ պահ մը հանգչելու համար, նստած էին այս նշանաւոր սրճարանը՝ Օփերային մօտ, յետոյ շարունակելու համար իրենց պտոյտը: Ինք մասնաւոր հակում եւ սէր ունէր ֆրանսերէն լեզուի, գրականութեան, արուեստի,...(մանրամասն)

Տեսակէտ

«Քաղբանտարկեալ»ներու Փաթեթի Հետքերով

Ցաւատանջ եւ ահագնացող արտագաղթէն ետք, խիստ կարեւոր հիմնահարց մըն է՝
«ՀԱՅ ՔԱՂԲԱՆՏԱՐԿԵԱԼ»ՆԵՐՈՒ ՕՐԱԿԱՐԳը

Անշուշտ, բազմաթիւ այլ հրատապութիւններու կողքին, ինչպիսին են՝ երկրաշարժէն տուժածներու անօթեւանութիւնը, գործազրկութեան ու աղքատութեան անմխիթարութիւնը, ազատամարտիկներու անբարեկեցիկութիւնը, վերնախաւերու հարստահարումներու անզսպելիութիւնը, եւայլն, եւայլն, այս մէկը նոյնքան ահաւորութիւն մըն է, օրակարգային ըլլալու չափ հիմնաւորութեամբ:

(մանրամասն)

ԽՈՀԵՐ՝ ՀԱՅ ԳԻՐ ՈՒ ՄԱՄՈՒԼԻՆ ԴԵՐԻՆ ՇՈՒՐՋ

Ժողովուրդի մը ազգային ոգին ու նկարագիրը պահող, ու զայն յաւերժին յանձնող միակ յատկանիշը՝ իր գրաւոր արտայայտութեանց գանձարանն է: Միտքը վերածուած գիրի ու գրականութեան, իր բազմասեռ ճիւղաւորումներով, – գեղարուեստական թէ այլապէս, – մամուլին կ՚ընծայէ շատ կարեւոր դերակատարում մը: Այսօր, ժամանակի յարափոփոխ ընթացքին շնորհիւ, կ՚իմաստաւորուի նաեւ մեր ներկան՝ օժանդակութեամբը համացանցին: Մօտիկ անցեալին սկիզբ առաւ «համացանցային գրականութիւն ու մամուլ» մը, որու առաւելութիւնները եթէ կարենանք օգտագործել զբարիս, տպագիր մամուլը կը պահենք հեռու՝ անոր ենթադրեալ վտանգներէն:(մանրամասն)

Դիմաւորելով 100-ամեակը.- ՆԵՐԱԶԳԱՅԻՆ ՓՏԱԽՏԸ ԵՒ ՄԵՐ ՍԻՐԱԾ ԴԻՐՔԱՊԱՇՏՈՒԹԻՒՆԸ

Իշխանութիւնը մարդկանց կուրացնում է, եթէ մարդիկ աւելի փոքր են, քան իրենց պաշտօնը, հարբեցնում է, եթէ աւելի տկար են, քան իրենց պաշտօնը: Յովհաննէս Թումանեան, 1921(մանրամասն)

Քաղաքական Անդրադարձ. Միացեալ Նահանգներ… Պիտի Քաշուի՞ն Սուրիայէն

Միացեալ Նահանգներու նախագահ Տոնալտ Թրամփի այն յայտարարութիւնը, թէ` «մենք շուտով Սուրիայէն դուրս պիտի ելլենք, ուրիշ ազգեր թող հետապնդեն Սուրիոյ հարցը», բաւական տարօրինակ եւ յանկարծակի էր ոչ միայն միջազգային ընտանիքին, այլեւ ամերիկեան ապահովական հաստատութիւններուն, մասնաւորապէս պաշտպանութեան նախարարութեան համար: Այս քայլը դարձեալ պիտի մեկուսացնէ Միացեալ Նահանգները Միջին Արեւելքի մէջ եւ որբ ձգէ իր դաշնակիցները, մասնաւորապէս` քիւրտերը: Փենթակոնը զգուշացուց այսպիսի «կործանիչ» քայլէ մը:(մանրամասն)

ԵՐԿՈՒ ԱՆԲԱՐՈՅ ԱՐԱՐՔՆԵՐ՝ ՇԱՀԱԳՈՐԾՈՒՄ – ԳԵՐԵՎԱՐՈՒՄ

Մեր բարոյագիտական նշմարի Ա. մասին մէջ, անդրադարձանք՝ Արդարութեան եւ Խաղաղութեան երկու բարոյական նպատակներուն իրարու ընդելուզուածութեան՝ բարոյագիտութեան եւ իրաւագիտութեան ընդելուզուածութեան հիման վրայ, մէջբերելով՝ հին հեղինակաւոր փիլիսոփայ, բարոյագէտ եւ իրաւագէտ Հելվեթիւսի այն դիտարկումը, թէ՝ այն բարոյագիտութիւնը, որ հիմնուած չէ իրաւագիտութեան վրայ, անբարոյական է։ Նաեւ հոն անդրադարձանք՝ Կաթոլիկ եւ Յոյն-Ուղղափառ եկեղեցիներու հաշտութեան եւ անոնց հրապարակած «Միացեալ Յայտարարութիւն» կոչուած փաստաթուղթին շարք մը կէտերուն։
Ներկայ Բ. մասին մէջ,...(մանրամասն)

Անցուդարձ

Հայաստանի Հանրապետութեան 4-րդ Նախագահ Արմէն Սարգսեան ստանձնեց իր լիազօրութիւնները

9 Ապրիլին՝ «Կարէն Տէմիրճեան»-ի անուան մարզահամերգային համալիրին մէջ տեղի ունեցաւ Հայաստանի նորընտիր նախագահ Արմէն Սարգսեանի երդման պաշտօնական արարողութիւնը, որուն ներկայ գտնուեցան Ազգային ժողովի պատգամաւորներ, Հայաստանի մէջ հաւատարմագրուած դեսպաններ, մշակութային գործիչներ Հայաստանէն եւ այլ երկիրներէ, սփիւռքահայեր, հասարակական եւ քաղաքական գործիչներ:(մանրամասն)

Վատիկանի մէջ հանդիսաւոր բացումը կատարուեցաւ Սուրբ Գրիգոր Նարեկացիի արձանին

ՎԱՏԻԿԱՆ.- Հինգշաբթի, 5 Ապրիլին, Վատիկանի մէջ տեղի ունեցաւ Տիեզերական եկեղեցւոյ վարդապետ հռչակուած Սուրբ Գրիգոր Նարեկացիի արձանի բացման արարողութիւնը:(մանրամասն)

ՓՇԱԼԱՐԵՐՈՒ ԵՏԻՆ՝ ՍԵՐԺ ՍԱՐԳՍԵԱՆ ԴԱՐՁԱՒ ՀՀ ՎԱՐՉԱՊԵՏ

Փշալարերու ետին եւ վահանակիր ոստիկանական ծանր հսկողութեան տակ, ՀՀ Ազգային Ժողովի նիստին, կողմ՝ 77, դէմ՝ 17 ձայներով Սերժ Սարգսեանը դարձաւ ՀՀ վարչապետ...Ան հերթական անգամ զաւթեց իշխանութիւնը, արհամարհելով բողոքի ցոյցի եւ հանրահաւաքի ելած բազմահազար ժողովուրդի բուռն ընդդիմութիւնը:(մանրամասն)

Բողոքի ցոյցերն ու հանրահաւաքները նոր թափ կը հաւաքեն

Շաբաթէ մը աւելի է որ Հայաստանի մէջ կը շարունակուին բողոքի ցոյցերն ու մարդաշատ հանրահաւաքները, որուն նպատակը՝ քաղաքացիական խաղաղ անհնազանդութեամբ «թաւշեայ յեղափոխութիւն» իրականացնելն է՝ ընդդէմ Սերժ Սարգսեանի վարչապետացման, ըստ կազմակերպիչներուն եւ մասնակից գործիչներուն: (մանրամասն)

Արամ Ա. Կաթողիկոս կը հասնի Հայաստան

Ուրբաթ 20 Ապրիլի առաւօտեան, Մեծի Տանն Կիլիկիոյ Արամ Ա. կաթողիկոս քանի մը ժամուան համար մեկնեցաւ Հայաստան եւ նոյն օրը վերադառնալու համար Անթիլիասի մայրավանք։(մանրամասն)

Փայլան Ցեղասպանութիւնը Ճանչնալու Բանաձեւ Ներկայացուց Թուրքիոյ Խորհրդարանին

ՊՈԼԻՍ, «Ահվալ».- Թուրքիոյ քրտամէտ Ժողովուրդներու ժողովրդավարական կուսակցութեան երեսփոխաններէն Կարօ Փայլան, Ուրբաթ, Ապրիլ 20ին Թուրքիոյ խորհրդարանին ներկայացուցած է Հայոց Ցեղասպանութիւնը պաշտօնապէս ճանչնալ պահանջող բանաձեւ մը, ուր նաեւ կը շեշտուի, թէ Ապրիլ 24ը պէտք է Ցեղասպանութիւնը պաշտօնապէս ոգեկոչելու օր հանդիսանայ։(մանրամասն)

ԱԿՆԹԱՐԹՆԵՐ

Փառքի աղերսարկուները....Ամենուր են անոնք հայ կեանքի մէջ, կեանքի իմաստ ու նպատակ դարձուցած այս՝ փառքի, պատիւի աղերսարկուները, որոնք պատրաստ են զոհելու կեանքի մէջ ամէնէն թանկագինը՝ սկզբունք, արժանապատուութիւն, ինքնասիրութիւն, խոնարհութիւն....խիղճ ու ճշմարտախօսութիւն, միայն թէ «արժանի» դառնան փառքի դափնիին, պատիւ ընծայուի իրենց, պարգեւատրուին եւ գովաբանուին, հոգ չէ թէ կեղծ ու փուճ խօսքերով ի ցոյց մարդկանց ու աշխարհին...Մեծապատիւ մուրացկաններ՝ ասոնք, որոնք Փառք մուրալու ընթացքին կը կորսնցնեն՝ մարդկային կեանքին բուն արժէք տուող ուղղամտութիւնն ու խղճմտութիւնը, արդարամտութիւնն ու շիտակութիւնը, ներքին հպարտութիւնը, ոգեկան երջանկութիւնը վերջապէս....եւ վերջ ի վերջոյ, փառքի ետեւէն վազելով, կ'արժանանան անփառունակ վախճանի...
....................
Ամէն ինչ որ կը պատահի այս աշխարհիս երեսին պատճառ մը ունի անկասկած՝ մեզի անիմանալի եւ անըմբռնելի....քանզի մարդկային միտքը շատ է սահմանափակ....որքան ալ գիտութիւնը յոխորտայ թէ ամէն ինչ յայտնաբերած է կամ պիտի յայտնաբերէ...Գուցէ հոգին, իր խորախորհուրդ խորքին մէջ, կը խորզգայ ամէն ինչ, բայց անոր ձայնը կը խեղդուի մեր ամէնօրեայ կեանքի աղմուկին մէջ, հազարումէկ մտմտուքներուն մէջ, կեանքի խառնաշփոթին մէջ....Բուն իրականութիւնը, կամ Գերագոյն Իրականութիւնը Հոգիին ներքնաշերտերուն մէջ է թաքնուած....Մարգարէները անոնք են որ հասու կը դառնան անոր...
....................
Գրաւոր խօսքը տարբեր ներգործութիւն ունի....կը կարդաս եւ դարձեալ կը կարդաս, կը խորասուզուիս բառերու խորքը, երեւակայութիւնդ՝ թեւեր առած, նոր իմաստներ կը յայտնաբերէ գրուած բառերուն ու տողերուն մէջ, չգրուածին մէջ....լռելեայն ըսուածին մէջ....Ի՛նչ մոգականութիւն, ի՛նչ կախարդանք ունին բառերը, երբ տեղին են օգտագործուած, առանց սեթեւեթանքի, պաճուճանքի, իրենք իրեց մէջ....անոնք աշխարհ մը կրնան պարփակել....
(մանրամասն)

ՔԱՌԵԱԿՆԵՐ

Մի՛ սպաննէք սէրը, մարդի՛կ
Շահ ու հաշիւ փնտռելով հոն
Սէրը ինքն իրմո՛վ կը սնի
Կը լիանա՛յ ինքն իրենով...Ե.Գ.
(մանրամասն)

ՇՆՈՐՀԱԿԱԼՈՒԹԵԱՄԲ ՍՏԱՑԱՆՔ՝

ԵՐՈՒԱՆԴ Հ. ՔԱՍՈՒՆԻԻ
«ԼՈՒՍԱՐՁԱԿԻ ՏԱԿ
Անհաճոյ Ըլլալու Երանութիւնը»
Հատորը
Հրատարակուած Պէյրութի մէջ, 2017-ին:

Այլազան

Նիկոլ Փաշինեանը նախապայմաններ ներկայացուց ՀՀ իշխանութիւններու հետ երկխօսութեան համար

Ազգային ժողովի «Ելք» խմբակցութեան ղեկավար Նիկոլ Փաշինեանը ամբողջութեամբ չի մերժեր իշխանութիւններու հետ երկխօսութիւնը, սակայն ան ունի շարք մը նախապայմաններ: «Մենք ասում ենք, որ ընդհանրապէս ուշ է, գնացքը գնացել է, բայց դա չի նշանակում, թէ մենք պատրաստ չենք որեւէ քննարկում ունենալ»,- «Արմենփրես»-ի փոխանցմամբ, ըսաւ ան՝ աւելցնելով, ...(մանրամասն)

Սերժ Սարգսեանի յետագայ իշխանութեան դէմ Նիկոլ Փաշինեանի բողոքի քայլերթը Գիւմրիէն սկսած է

«Քաղաքացիական պայմանագիր» կուսակցութեան ղեկավար Նիկոլ Փաշինեան Մարտ 31-ին Գիւմրիի Վարդանանց հրապարակէն սկսած է Սերժ Սարգսեանի իշխանութեան հնարաւոր երրորդ շրջանին դէմ նախաձեռնած իր պայքարը։ «Իմ քայլը» անուանուած այս նախաձեռնութեամբ ընդդիմադիր երեսփոխանը իր կուսակիցներուն եւ համախոհներուն հետ ամբողջ երկու շաբաթ ոտքով պիտի շրջի Հանրապետութեան շարք մը քաղաքները եւ Ապրիլ 13-ին պիտի հասնի Երեւանի Ազատութեան հրապարակ:(մանրամասն)

Կարօ Փայլանի Եւ Քրտամէտ կուսակցութեան այլ երեսփոխաններու անձեռնմխելիութիւնը խլելու դիմում

ԵՐԵՒԱՆ, «Արմէնփրէս».- Թրքական «Անատոլու» լրատու գործակալութիւնը կը հաղորդէ, թէ Անգարայի հանրապետական դատախազութիւնը, քրտամէտ Ժողովուրդներու ժողովրդավարական կուսակցութեան 8 պատգամաւորներու նկատմամբ իրաւական գործընթաց սկսելու նպատակով պահանջագիր մը պատրաստած է:(մանրամասն)

Եգիպտոս Հայոց Ցեղասպանութեան հետ բաղդատած է Սուրիոյ եւ Իրաքի մէջ Թուրքիոյ գործողութիւնները

Եգիպտոսի խորհրդարանի արաբական աշխարհի հարցերով զբաղող կոմիտէն Սուրիոյ եւ Իրաքի քիւրտերուն դէմ Թուրքիոյ գործողութիւնները բաղդատած է Հայոց ցեղասպանութեան հետ: Այս լուրը կը հաղորդէ «Էրմենիհապեր»:(մանրամասն)

Հայաստան Արցախ Ֆոնտը Յունուարէն Մարտ 6.8 Միլիոն Տոլարի նպաստ հայթայթած է Հայաստանին ու Արցախին

2018-ի առաջին եռամսեակին, Հայաստան-Արցախ ֆոնտը աւելի քան 6.8 միլիոն տոլար արժէքով մարդասիրական օժանդակութիւն հայթայթած է Հայաստանին ու Արցախին:(մանրամասն)

Ապրիլեան Քառօրեայէն երկու տարի անց

ԵՐԵՒԱՆ, «Արմրատիօ».- Լրագրող Լիլիթ Մուրադեան կը հաղորդէ. «Եռաբլուր» պանթէոնում հոգեհանգստի կարգ է, խնկարկում ի յիշատակ ապրիլեան պատերազմում զոհուած հայորդիների:(մանրամասն)