Ազատ Խօսք - Ելեկտրոնային Անկախ Պարբերաթերթ

կայք էջ : www.azadkhosk.com

Խմբագիր - Երան Գույումճեան

Թիւ (110) Փետրուար 2021

Յօդուածներ

ՌԱՄԻԼ ՍԱՖԱՐՈՎԻՑ՝ ԻԼՀԱՄ ԱԼԻԵՒ. ԿԱՑԻՆ ԵՒ ԴԻՒԱՆԱԳԻՏՈՒԹԻՒՆ

Գրեց՝ ԹԱԹՈՒԼ ՅԱԿՈԲԵԱՆ

antsoutarts1a2012 թուականի Օգոստոսի 31¬ին Հայաստանը խզեց դիւանագիտական յարաբերութիւնները Հունգարիայի հետ: Այդ օրը Ադրբեջանին յաջողուել էր տուն վերադարձնել Հունգարիայում ցմահ ազատազրկուած Ռամիլ Սաֆարովին: Նա 2004¬ին Բուդապեշտում ՆԱՏՕ¬ի կազմակերպած անգլերէնի դասընթացների օրերին գիշերը կացնահարել էր 26¬ամեայ հայ սպայ Գուրգէն Մարգարեանին՝ քնած ժամանակ: Սաֆարովն Ադրբեջանում արժանացաւ հերոսին վայել ընդունելութեան եւ Իլհամ Ալիեւի կողմից ներման, ինչին միջազ գային հանրութիւնը կոշտ արձագանգեց: Ադրբեջանի նախագահը, սակայն, յայտարարեց, որ Սաֆարովին ազատ արձակելու որոշումը «օրինական է եւ արդար»: Սեպտեմբերի սկզբին, երբ Սաֆարովն արդէն վերադարձել էր տուն, Բաքուի փողոցներում Ազատութիւն ռադիօկայանի ադրբե ջանական ծառայութիւնը (Ալիեւը այն փակեց աւելի ուշ) անցորդներից հարցնում էր կարծիք՝ Սաֆարովի արարքի վերաբերեալ: Մի երիտասարդ Ադրբեջանցու պատասխանը կարող է ընդհանուր պատկեր տալ երկրում հայատեացութեան ծաւալների մասին. «Այս մարդը հայրենասէր է։ Մարդ սպանելը հերոսութիւն չէ, բայց Ռամիլը Հայ է սպանել»։ Ալիեւ որդու իշխանութեան գալով` Ադրբեջանում հայատեացութիւնը ու պատերազմական հռետորաբանութիւնը բարձրացուեց պետական քաղաքականութեան մակարդակի: Դեռ վարչապետութեան շրջանում՝ 2003¬ի ամռանը, Ալիեւը երկրի ոչ կառավարական կազմակերպութիւններին յորդորեց դադարեցնել Հայերի հետ շփումները, քանի դեռ Ղարաբաղը չի վերադարձուել Ադրբեջանին: Բաքուի ռազմատենչ քարոզչութեան աշխուժացման, Հայաստանի եւ հայ ժողովրդի նկատմամբ ատելութեան ու թշնամանքի սերմանման քաղաքականութեան հետեւանք էր 2004 Յունուարի 19ին Հունգարիայի մայրաքաղաքում Ադրբեջանի Պաշտպանութեան նախարարութեան սպայ Ռամիլ Սաֆարովի արարքը: Ու մինչ միջազգային կազմակերպութիւնները եւ անհատ գործիչներ դատապարտում էին ոճրագործութիւնը, Սաֆարովին իր հայրենիքում հերոսացնում էին, հռչակում տարուայ մարդ: Ադրբեջանի մարդու իրաւունքների պաշտպան Էլմիրա Սուլեյմանովան յայտարարեց. «Ռամիլ Սաֆարովը պէտք է հայրենասիրութեան օրինակ դառնայ ադրբեջանցի երիտասարդութեան համար»։
Եւրոպայի խորհրդում Ադրբեջանի մշտական ներկայացուցիչ Աղշին Մեհտիեւը Հայերին խորհուրդ տուեց հանգիստ չքնել, քանի դեռ ղարաբաղեան հակամարտութիւնը լուծուած չէ, բուդապեշտեան պատահարները կարող են կրկնուել: Խորհրդարանի պատգամաւոր Անար Մամեդխանովն «ափսոսանք» յայտնեց. «Ես մեր սպաներին միշտ ասում եմ՝ ձեր կարիքը Ղարաբաղում կայ։ Հայերին պէտք է սպանել Ղարաբաղում, այլ ոչ թէ ուրիշ երկրներում»։ Մէկ այլ պատգամաւոր` Զահիդ Օրուջը նկատեց, որ եթէ «այսօր մենք չկարողանանք կանգնել Ռամիլ Սաֆարովի պաշտպանութեան համար, ապա վաղը Ադրբեջանցիներից եւ ոչ մէկը Հայերի դէմ զէնք չի բարձրացնի, երբ լինի դրա անհրաժեշտութիւնը»։ Ադրբեջանի Պաշտպանութեան նախարարութեան մամլոյ ծառայութեան ղեկավար Ռամիզ Մելիքովը կանխատեսեց. «Առաջիկայ 25¬30 տարիներին Հարաւային Կովկասում Հայաստան պետութիւն չի լինելու։ Այդ ժողովուրդը հարեւանների հանդէպ այնքան ստորութիւններ է արել, որ իրաւունք չունի ապրելու տարածաշրջանում։ Արդի Հայաստանը կառուցուել է ադրբեջանական պատմական հողերի վրայ։ Կարծում եմ՝ 25¬30 տարի յետոյ այդ տարածքները կրկին կ՚անցնեն Ադրբեջանի իրաւասութեան տակ»։ Բուդապեշտում 2004 թուականի այս օրը՝ Յունուարի 19¬ին կատարուածը, հայատեացութիւնը պետական մակարդակի հասցնելն ու միլիառաւոր դոլար արժողութեամբ սպառազինութիւնների ձեռքբերումը Ալիեւի Ադրբեջանի կողմից բացայայտ ակնարկ էր՝ ուղղուած Հայաստանին, որ պատերազմն անխուսափելի է:
«ՍիվիլՆէթ» 19 Յունոար 2021