Ազատ Խօսք - Ելեկտրոնային Անկախ Պարբերաթերթ

կայք էջ : www.azadkhosk.com

Խմբագիր - Երան Գույումճեան

Թիւ (83) Սեպտեմբեր 2018

Անցուդարձ

Թրքական ոստիկանութիւնը փորձած է բերման ենթարկել Կարօ Փայլանը

Օգոստոսի 25ին, Պոլսոյ Կալաթասարայի հրապարակին վրայ տեղի ունեցած ցոյցի ժամանակ թուրք ոստիկանները բերման երթարկել պատգամաւոր Կարօ Փայլեանի վրայ:
«Շաբաթ օրուան մայրեր»ու խումբի ցոյցին, ի թիւս այլ ընդդիմադիր պատգամաւորներու, կը մասնակցէր նաեւ Կարօ Փայլանը։
Ոստիկանները նախ բռնութիւն գործադրելով հեռացուցած են նստացոյցին մասնակցող կիները, ապա բերման ենթարկած ցոյցի միւս մասնակիցները, որոնք չեն ցանկացած հեռանալ հրապարակէն:
Կարօ Փայլան փորձած է պաշտպանել Հրանդ Տինքի որդին` Արատ Տինքը, թոյլ չտալով զայն ձերբակալեն:
Փայլանի հետ միասին Արատ Տինքի ձերբակալութեան խոչընդոտած են ընդդիմադիր Ժողովուրներու ժողովրդավարական կուսակցութեան պատգամաւորներէն Ահմետ Շըքը, Սերփիլ Քեմալպայը եւ Հիւտա Քայան:
Ոստիկանները ձերբակալած են ցոյցի 47 մասնակից, որոնց մէջ «Ակօս»ի նախկին գլխաւոր խմբագիր Ռոպեր Քոփթաշը։ Աւելի ուշ անոնք ազատ արձակած են:
«Շաբաթօրեայ մայրեր»ու ցոյցը տեղի կ՛ունենայ 1995-էն ի վեր ամէն շաբաթ օր: Անիկա 1980-90-ական թուականներուն քրտական շարժման` կալանաւորուած, անհետ կորած կամ քաղաքական սպանութիւններու զոհ դարձած մասնակիցներու մայրերու բողոքի ցոյցն է: