Ազատ Խօսք - Ելեկտրոնային Անկախ Պարբերաթերթ

կայք էջ : www.azadkhosk.com

Խմբագիր - Երան Գույումճեան

Թիւ (115) Յուլիս 2021

Անցուդարձ

Փութին եւ Փաշինեան քննեցին գերիներու, սահմաններու եւ այլ հարցեր


ԵՐԵՒԱՆ, «Արմէնփրէս»․- Աշխատանքային այցելութեամբ Ռուսիա գտնուող Հայաստանի վարչապետի պաշտօնակատար Նիկոլ Փաշինեան 7 Յուլիսին Քրեմլինի մէջ հանդիպում ունեցաւ Ռուսիոյ նախագահ Վլատիմիր Փութինի հետ:
Վարչապետի աշխատակազմի տեղեկատուութեան վարչութիւնը կը տեղեկացնէ, թէ ողջունելով Փաշինեանը` Փութին ըսաւ. «Անձամբ կը շնորհաւորեմ ձեզ՝ ընտրութիւններու արդիւնքներուն համար: Կը կարծեմ, որ այդ կարեւոր է բոլորին՝ նախ Հայաստանի եւ հայ ժողովրդին համար, նկատի ունենալով այն, որ այսպիսի դժուար ու սուր հարցերը կարելի է լուծել միայն արդիւնաւէտ աշխատանքով, որուն համար ամէնէն կարեւորը ժողովուրդին վստահութիւննըունենալն է: Այդ մէկը դուք ունիք, ինչ որ ցոյց տուին ընտրութիւններուն արդիւնքները»:
«Ցաւօք, վերջին ժամանակներս մենք յաճախ քննարկում ենք անվտանգութեան հետ կապուած հարցեր, որովհետեւ մեր տարածաշրջանում ոչ կայուն իրավիճակ է: Ի հարկէ, բոլորը գիտեն 44օրեայ պատերազմի ընթացքում հրադադարի հասնելու գործում ձեր անձնական եւ Ռուսաստանի Դաշնութեան ջանքերի մասին: Պէտք է ասեմ, որ ռուս խաղաղապահների տեղակայումից յետոյ, ընդհանուր առմամբ, Լեռնային Ղարաբաղում իրավիճակը կայուն է, սակայն ժամանակ առ ժամանակ ի յայտ են գալիս անկայունութեան, անհանգստութեան ինչ-որ օջախներ: Եւ այսօր ցանկանում եմ ձեզ հետ կիսուել գնահատակններով, կարծիքներով, թէ ինչու եւ ինչպէս է դա տեղի ունենում: Նաեւ ոչ կայուն իրավիճակ է Հայաստանի ու Ադրբեջանի սահմանին: Դրա հետ կապուած մենք ոչ մէկ անգամ ենք խօսել, եւ ցանկանում եմ նշել, որ այստեղ նոյնպէս մենք, ցաւօք, վերջին երկու ամիսների ընթացքում ունենք մշտական անհանգստութեան օջախ: Յոյս ունեմ, որ այս հարցով մեզ կը յաջողուի «ճշգրտել ժամերը», ըսաւ Փաշինեան՝ աւելցնելով. «Պէտք է տեղեկացնեմ, որ մինչ այժմ ամբողջութեամբ լուծուած չէ ռազմագերիների հարցը, սակայն ի ուրախութիւն մեզ այստեղ առանց ուրախ լուրերի իրավիճակ չէ, քանի որ մի քանի օր առաջ 15 ռազմագերիներ վերադարձուեցին հայրենիք»:
Վլատիմիր Ճապարով ամփոփեց Փաշինեան-Փութին հանդիպման արդիւնքները
 
 
ԵՐԵՒԱՆ, «Արմէնփրէս».- Ռուսիոյ Դաշնակցային խորհուրդի միջազգային գործերու կոմիտէի նախագահի առաջին տեղակալ Վլատիմիր Ճապարով խիստ կարեւոր նկատեց Հայաստանի վարչապետի պաշտօնակատար Նիկոլ Փաշինեանի այն քայլը, որ ան արտահերթ խորհրդարանական ընտրութիւններուն վերընտրուելէ ետք առաջին պաշտօնական այցելութիւնը Մոսկուա կատարեց: Ան Նիկոլ Փաշինեանի քայլը անուանեց «բարի նշան»:
Ճապարով նշեց, որ հանդիպումին ընթացքին կողմերը քննարկեցին աշխատանքային հարցեր, իրավիճակը տարածաշրջանին մէջ, Ղարաբաղի վիճակը, Ռուսիոյ խաղաղապահ առաքելութիւնը եւ այլն:
Ըստ անոր` նախկին խորհրդային երկիրները (Ատրպէյճան եւ Հայաստան) վաղ թէ ուշ պէտք է կարգաւորեն յարաբերութիւնները եւ սկսին համաձայնիլ, վերականգնել երկիրները այդ ցնցումներէն ետք, իսկ ռուս խաղաղապահներու ներկայութիւնը երաշխիք է ապագային հաւանական արիւնահեղութիւններէ խուսափելու համար:
Վլատիմիր Ճապարով ընդգծեց, որ հայ-ատրպէյճանական սահմանին ռուս սահմանապահներու տեղակայումը պիտի իրականացուի երկու երկիրներուն` Հայաստանի եւ Ատրպէյճանի համաձայնութեամբ, եւ բոլոր սադրանքները պիտի կասեցուին:
Անդրադառնալով Ատրպէյճանի տարածքին թրքական ռազմական խարիսխ տեղադրելու մասին Թուրքիոյ նախագահ Ռեճեփ Էրտողանի յայտարարութիւններուն՝ Ճապարով նշեց, որ Ռուսիա շատ բացասական կը նկատի այդ մէկը՝ աւելցնելով, որ Մոսկուա կարելիութիւն ունի ճնշում գործադրելու Թուրքիոյ վրայ, իսկ Թուրքիոյ հակառակորդ պէտք չէ՝ ի դէմս Ռուսիոյ:
Ճապարով յիշեցուց, որ Թուրքիա երբեք Ռուսիոյ դաշնակից չէ եղած` ընդգծելով, որ Թուրքիոյ աշխարհաքաղաքական շահերը միշտ չէ, որ կը համընկնին Կովկասի մէջ Ռուսիոյ եւ անոր դաշնակիցներուն շահերուն:
Խօսելով հայ գերիներու վերադարձի հարցին մասին` ռուս քաղաքական գործիչը նշեց, որ Ատրպէյճան արհեստականօրէն կը ձերբակալէ հայ ռազմագերիները՝ զանոնք ներկայացնելով իբրեւ յանցագործներ: Ան վստահեցուց, որ Ռուսիոյ ղեկավարութիւնը ամէն ջանք ի գործ կը դնէ այդ հառցը լուծելու համար: